ആ എലി കുളിച്ചതൊന്നുമല്ല; സോഷ്യല്‍ മീഡിയയില്‍ വൈറലായ എലി കുളിക്കുന്ന വീഡിയോയ്ക്ക് പിന്നിലെ സത്യാവസ്ഥ ഇതാണ് (വീഡിയോ)

ഒരു എലി കുളിക്കുന്ന വീഡിയോ സമൂഹമാധ്യമങ്ങളില്‍ നാളുകളായി വൈറലാണ്. ക്യൂട്ട് വീഡിയോ എന്നുവരെ ചിലര്‍ ഈ വീഡിയോയെ വിശേഷിപ്പിച്ചു. ശരീരം മുഴുവന്‍ സോപ്പ് തേച്ച് പതപ്പിക്കുന്ന എലിയുടെ വീഡിയോ കാഴ്ചക്കാരെ രസിപ്പിക്കുന്നതായിരുന്നു. യൂട്യൂബിലെത്തി നിമിഷങ്ങള്‍ക്കകം വീഡിയോ വൈറലാകുകയും ചെയ്തു.

പെറുവിലുള്ള ഡിജെയായ ജോസ് കൊറിയ ആയിരുന്നു തന്റെ യൂട്യൂബ് അക്കൗണ്ടിലൂടെ വീഡിയോ പങ്കുവച്ചത്. കുളിക്കാന്‍ ബാത്തറൂമില്‍ കയറിയപ്പോള്‍ കണ്ട കാഴ്ച എന്നായിരുന്നു അദ്ദേഹം വീഡിയോയ്ക്ക് ഒപ്പം കുറിച്ചത്.

എന്നാല്‍ ഇതിന് പിന്നിലെ സത്യാവസ്ഥയാണ് ഇപ്പോള്‍ പുറത്തുവന്നിരിക്കുന്നത്. വീഡിയോയില്‍ അന്ന് തന്നെ ചിലര്‍ സംശയം പ്രകടിപ്പിച്ചിരുന്നു. വീഡിയോ ഫേക്ക് ആണെന്നും നാലുകാലിയായ ജീവി ഒരിക്കലും ഇങ്ങനെയൊന്നും ചെയ്യില്ലെന്നും അതിന്റെ ദേഹത്താരോ സോപ്പ് തേപ്പിച്ചിട്ട് വീഡിയോ എടുത്തതാണെന്നുമൊക്കെ കമന്റുകള്‍ വന്നിരുന്നു.

ഈ കമന്റുകള്‍ക്ക് ശക്തി പകരുന്ന തരത്തിലാണ് പുതിയ വാദങ്ങള്‍ വരുന്നത്.വീഡിയോയ്ക്ക് പിന്നിലെ സത്യാവസ്ഥ തേടിയ ഇറങ്ങിയ ജന്തുശാസ്ത്ര വിദഗ്ധരാണ് ഈ രഹസ്യം കണ്ടെത്തിയത്. ഇവര്‍ പറയുന്നത്. ഈ ജീവിയുടെ വലിപ്പവും വാലുമൊക്കെ കണ്ടിട്ട് ഇത് എലിയല്ല, പക്കരാന എന്ന മൃഗമാണെന്ന് വിദഗ്ധര്‍ പറയുന്നു. ഏകദേശം 30 പൗണ്ട് ഭാരമുള്ള ഈ മൃഗം സൗത്ത് അമേരിക്കയിലാണ് കണ്ടുവരുന്നത്. മാത്രമല്ല ഇവര്‍ പറയുന്നത് തനിയെ സോപ്പ് കണ്ട് ശരീരത്തില്‍ തേച്ച് പിടിപ്പിക്കാന്‍ ഇതിന് കഴിയില്ലെന്നും ആരോ അതിന്റെ ദേഹത്ത് തേച്ച് വിട്ടതാണെന്നുമാണ്. അത് സോപ്പോ ഷാംപുവോ ആകാം.

ദേഹത്തിന് ഒരു തരത്തിലും ചേരാത്ത വസ്തു ഒഴിവാക്കാന്‍ വേണ്ടി എലി നടത്തിയ പരാക്രമമാണ് കുളിയായി എല്ലാവരും തെറ്റിദ്ധരിച്ചത്. സത്യത്തില്‍ അതു വേദന കൊണ്ടു പുളയുന്നതു പോലുമാകാമെന്നും വിദഗ്ധര്‍ പറയുന്നു. മാത്രമല്ല ഇതിന് ശേഷം ചിലപ്പോള്‍ എലി ചത്തുപോയിട്ടുണ്ടാകാമെന്നാണ് വിദഗ്ധരുടെ വാദം.

Powered by WPeMatico